aso ich ben en mega fan vo lord of the rings.. han d büecher natürli gläse :D die send genial und d umsetzig im felm vom peter jackson esch eifacht super gmacht! ich ha au met de catrina en fanclub gröndet... s giten öpe es johr fäng ond mer hend *hmm* knapp 10 mitglieder gläb ;) jo mer hend au nöd so vel zyt deför, mer mönd eus mol weder träffe ;)

mini lieblingsfigur esch d arwen... wiso weissi eich au nöd so gnau ;) aber s volk vo de elbe gfallt mer am beschte ond d arwen eifacht schpeziell guet... drom nännt mech d catrina au arwen ond ich sie galadriel ;) oder halt grosi ;) wel d galadriel jo d grossmueter vo de arwen esch, obwohl mer das jo nöd merkt ;) elbe send jo onsterblech... :) ussert im chrieg oder wenn sie, wie d arwen, eri onsterblechkeit ufgäbed..

aso ich dänk, di meischte wössed om wases i dere gschecht gohd ;) vorallem dänki vom felm... :) ich schrib etzt glich no chorz e beschriibig dröbert:

d gschecht schpelt im dritte zytalter in mittelerde und um de kampf um de bsetz vom "eine ring" und sini vernichtig. de ring isch vom sauron, em dunkle herrscher, gschmiedet worde und verleiht em träger e grossi macht, und machten unsichtbar. jedoch het de ring en eigete chopf. de sauron brucht de reng,wel er ganz mittelerde unterwerfe wel. de reng isch im aueland bim bilbo weder uftaucht.

de bilbo git de ring a sin neffe frodo wiiter. sie sind hobbits, wie mänsche, eifacht sehr chli, no chliner wie zwerge. de frodo wird zum ringträger ernennt und dezue usersehe, de ring nach mordor, is land vom feind im schicksalsberg z zerstöre. er wird vo 8 gfährte begleitet, vertreter vo de völker vo mittelerde, wo ihm uf sinere gföhrleche reis helfe söled. d ringgmeinschaft werd jedoch trännt, dur agreff vom feind. jede kämpft so anderscht gäg d heerschare vom sauron ond em saruman.

d völker vo mittelerde hend d schlacht erscht gwonne, wos am frodo ond am sam glingt, de ring im schicksalsberg z vernichte. em sauron sini macht esch broche ond s dritte zytalter beändet. de könig vo de mänsche tritt sini herrschaft ah, d hobbits chehred is aueland zrogg,ond di onsterbleche elbe verlönd de kontinent mittelerde und sägled zo de ewige lande - begleitet vom bilbo und em frodo.

s 1000-siitige werch umfasst drü teil : Die Gefährten, Die zwei Türme und Die Rückkehr des Königs. d vorgschecht dezue esch Der Hobbit. die büecher send all vom john ronald reuel tolkien gschrebe worde und im 2001 vom peter jackson verfelmt worde.

das esch etzt e zimli chorzi beschribig gsi... s esch natürli vel länger... :) und s esch extrem schpannend! de felm ide extended-version gohd (aso all drü zäme) rond 12 stond... :)

einigi wechtigi persone

>hobbits

bilbo beutlin - er het de ring gfonde, onkel vom frodo

frodo beutlin - er esch de neui rengträger, de neffe vom bilbo

samweis gamdschie - de gärtner vom bilbo&em frodo, begleitet de frodo, esch sin treuschte gfährte, wird sam gnännt

meriadoc brandybock - au en frönd vom frodo, au er begleitet ihn, als eine vo de 9 gfährte, gnännt werd er merry

peregrin tuk - au er esch en frönd vom frodo ond begleitet ihn, er esch sehr guet metem merry befröndet, werd pippin gnännt

>mensche

aragorn arathorns sohn - zerscht esch er de "streicher", au eine vo de 9 gfährte, er liebt d arwen und er werd könig vo gondor, er ghört zom fascht usgschtorbne volk vo de dunedaìn

denethor - er esch de truchsess vo gondor, het zwoi söhn (boromir&faramir)

boromir - de sohn vom denethor, eine vo de 9 gfährte, werd aber ombracht, verstohd sich mega guet met sim brüeder, heerfüerer vo gondor

faramir - de jüngeri sohn vom denethor, au heerfüerer vo gondor, de denethor mag ihn nöd so, er wönschti sich, de faramir wär tot ond de boromir wör no läbe

théoden - er esch könig vo rohan, werd zerscht vom saruman beherrscht, de gandalf chanen aber rette, sin sohn esch tot ond er het en nichte ond en neffe, d éowyn ond de éomer, er sterbt im chrieg um gondor

éowyn - d nichte vom théoden, sie zieht emmer met id schlachte, cha sehr guet kämpfe, ere brüeder esch de éomer, sie esch in aragorn verliebt, spöter hürotet si de faramir

éomer - er werd zerscht verbannt vo rohan, verhilft ihne denn aber zum sieg, wo d orks sie agriffed, sini schwöschter esch d éowyn

>elbe

arwen undòmiel - d tochter vom elrond, enkelin vo de galadriel, herrin vo lothlorien, git ihri unsterblichkeit för de aragorn, wo sie liebt, uf, werd schpöter königin vo gondor

elrond - de vater vo de arwen, er wel ere emmer de aragorn usrede, wel er sie so gern het, er esch herr vo bruchtal, er esch eich nu en halbelb

galadriel - d herrin vo lothlorien, grossmueter vo de arwen, ere maa esch de celeborn, sie gsehd id zuekonft..

celeborn - de maa vo de galadriel

legolas - prinz vo düsterwald, eine vo de 9 gfährte, guet befröndet metem gimli

>zauberer

gandalf - er esch zerscht gandalf der graue, denn gandalf der weisse, er esch eine vo de 9 gfährte ond sterbt fascht, er kömmeret sich drom, dass alli völker vo mittelerde siite a siite gäg de sauron kämpfed

saruman - zerscht escher saruman der weisse, denn saruman der farblose, well er sich uf di dunkl siite gschlage het, lebt in isengart, schart orks ond uruk-hais om sich, helft am sauron

>zwerge

gimli - sohn vo gloin, eine vo de 9 gfährte, sehr guet befröndet metem legolas

s git natürli no viiil meh persone, aber das send so di wechtigschte :)